Día nacional do celíaco

  

Con motivo do Día Nacional do Celíaco, A Asociación de Celíacos de Galicia pon en marcha unha campaña informativa co obxetivo de dar a coñecer a enfermidade, as súas características e sintomatoloxía e recomendar pautas a seguir polas persoas afectadas.

E ti, ¿Sabes que é a enfermidade celíaca?

A enfermidade celíaca é unha intolerancia permanente ao glute, proteína que se atopa no trigo, centeo, cebada, avea, triticale, espelta e kamut.

A inxestión de gluten as persoas celíacas produce unha atrofia das vilosidades intestinais que leva consigo unha malabsorción dos nutrientes (proteínas, graxas, hidratos de carbono, sales minerais e vitaminas) e como consecuencia, desnutrición.

É a enfermidade crónica intestinal máis frecuente en España. Padécena tanto nenos/as como persoas adultas, xenéticamente predispostos. Esta patoloxía afecta aproximadamente ao 1% da poboación. Sen embargo, o 80% dos celíacos/as están sen diagnosticar.

Síntomas

Os síntomas máis común son: perda de apetito, diarrea crónica, perda de peso, atraso no crecemento, distensión abdominal, vómitos, anemia ferropénica, alteracións do carácter, pobreza na masa muscular etc. Non obstante, tanto no neno coma no adulto, os síntomas poden ser atípicos ou estar ausentes, o que dificulta o seu diagnóstico.

Tratamento

O único tratamento consiste en seguir unha dieta estrita sen glute durante toda a vida.

Coa dieta sen glute conseguirase unha normalización clínica e funcional, así como a reparación das vilosidades. Esta reparación será permanente sempre e cando non se volva tomar glute. A inxestión de pequenas cantidades de glute de xeito continuado pode causar trastornos importantes e nada desexables. Cunha dieta sen glute, o celíaco manterá un estado saudable e desenvolverase con total normalidade.

Nunca debe retirarse o glute da dieta dunha persoa sen ter o diagnóstico definitivo.

Fonte orixinal: http://www.celiacosgalicia.es/web/gl/consejos